चितवनमा १६ जनालाई खो खो खेल क्षमता अभिवृद्धि प्रशिक्षक तालिम

चितवन । चितवनमा ५ दिने खो खो खेल क्षमता अभिवृद्धि प्रशिक्षक तालिम सम्पन्न भएको छ । असार १३ गतेबाट सुरु भएको तालिम मंगलबार सम्पन्न भएको हो ।

जिल्ला खेलकुद बिकास समिति चितवनले प्रदेश खेलकुद बिकास परिषद् बागमती प्रदेशको सहयोगमा आयोजना गरेको तालिमको आज एक कार्यक्रमबीच समान गरिएको हो । समापन समारोहमा बोल्दै प्रमुख अतिथि जिल्ला समन्वय समिति प्रमुख नारायणप्रसाद अधिकारीले तालिममा सिकेका बिषयलाई व्यवहारमा उतार्न आग्रह गरे । उनले नयाँ प्रशिक्षकहरुबाट नयाँ खेलाडीहरु उत्पादन हुने विश्वास पनि व्यक्त गरे ।

तालिममा बागमती प्रदेशका १३ जिल्लाबाट १६ प्रशिक्षार्थी प्रशिक्षकहरु सहभागी हुने । उनीहरुलाई खो खो प्रशिक्षक लक्ष्मीनारायण वैद्य र दीलिपकुमार महर्जनले प्रशिक्षण दिएका थिए । प्रशिक्षक वैद्यले छोटो समयावधिमा पनि सक्दो राम्रो प्रशिक्षण दिएको बताए । यस्तै प्रशिक्षार्थी प्रशिक्षकहरुले पनि तालिम उपलब्धिमूलक भएको बताए ।

खो खो सम्बन्धी क्षमता अभिवृद्धिका लागि यो तालिम आयोजना गरिएको जिल्ला खेलकुद बिकास समिति चितवनका अध्यक्ष राजन कार्कीले बताए । उनले तालिमप्राप्त नयाँ प्रशिक्षकहरुलाई आ-आफ्नो जिल्लामा नयाँ खेलाडी उत्पादनमा लाग्न आग्रह गरे । यस्तै उनले यी प्रशिक्षकले उत्पादन गरेका खेलाडीहरुलाई ठूका प्रतियोगितामा खेलेको देख्न पाइने विश्वास व्यक्त गरे ।