त्रिशुलीमा मोटरसाइकल खस्यो, एकजनाको मृत्यु

काठमाडौं । त्रिशुली नदीमा मोटरसाइकल खस्दा एकजनाको ज्यान गएको छ। आइतबार साँझ साढे ५ बजेतिर धादिङको बेनिघाट रोराङ गाउँपालिका-७ स्थित त्रिशुली नदीमा दुई जना सवार मोटरसाइकल खसेको हो।

खोजतलासको क्रममा बा प्र ०२-०२४ प ४०५४ नम्बरको मोटरसाइकल र एकजनाको शव फेला परेको छ। मृत्यु हुनेमा सिन्धुलीको तीनपाटन गाउँपालिका–९ का २६ वर्षीय मीनबहादुर तामाङ रहेको जिल्ला प्रहरी कार्यालय धादिङले जनाएको छ।

मोटरसाइकल सडकबाट करिब तीन सय मिटर तल खसेको थियो।