आतङ्कवादी सङ्गठनलाई आर्थिक सहयोग गरेको आरोपमा टर्कीएद्वारा ३२ सन्दिग्ध पक्राउ

काठमाडौँ । टर्किएले इस्तानबुलका विभिन्न नगरपालिकाका अधिकारीहरूसहित ३२ जना सन्दिग्धहरूलाई आतङ्कवादी सङ्गठनलाई आर्थिक सहयोग गरेको आरोपमा पक्राउ गरेको  छ । इस्तानबुलका प्रमुख सार्वजनिक अभियोजकको कार्यालयले बताएअनुसार सन्दिग्धहरूले प्रतिबन्धित क्रान्तिकारी जनमुक्ति पार्टी–फ्रन्टलाई सहयोग गर्न एक समिति गठन गरेका थिए ।

अधिकारीहरूले इस्तानबुलका धेरै जिल्ला नगरपालिकाहरूद्वारा आयोजित भ्रष्ट टेन्डरहरू मार्फत रकम प्राप्त गरिएको खुलासा गरेका छन् । अभियोजकको कार्यालयले पक्राउ वारेन्ट जारी गरेपछि प्रहरीले टर्कीका प्रान्तहरू सामसुन, बुर्सा, इज्मिर र इस्तानबुलका ३१ स्थानहरूमा एकैसाथ कारबाही सुरु गरेको छ । 

टर्किएले आतङ्कवादी सङ्गठनको रूपमा तोकेको डिएचकेपिसीलाई २०१३ मा अंकारामा अमेरिकी दूतावासमा आत्मघाती बम विस्फोटसहित देशमा भएका थुप्रै आक्रमणहरूको लागि दोषी ठहर गरिएको छ ।