रामग्राम नगरपालिकाका पुर्वमेयर नरेन्द्र गुप्ताविरुद्ध बैकिङ कसुरमा पक्राउ पुर्जी जारी

नवलपरासी, भदौ १७ । नवलपरासीको रामग्राम नगरपालिकाका पुर्व मेयर नरेन्द्र कुमार गुप्ताविरुद्ध बैकिङ्ग कसुर सम्बन्धि मुद्धामा पक्राउ पुर्जी जारी भएको छ । बैकिङ्ग कसुर सम्बन्धि मुद्धामा जिल्ला अदालत पशिचम नवलपरासीले पक्राउ अनुमति जारी गरेको हो ।

उनीविरुद्ध सर्लाहीको हरिपुर नगरपालिका वडा नम्बर १ ठेगाना भएका परासी निवासी बिनोद शाह कलवारले प्रहरीमा जाहेरी दिएका थिए ।गुप्ताले ७५ लाख रुपैयाँ शाहसँग लिएको र भुक्तानीका लागी दिएको चेक बाउन्स भएपछि उनले प्रहरीमा उजुरी गरेका थिए ।

उक्त मुद्धामा दोषी ठहर भए जरिवाना र सजाय दुवैको व्यवस्था छ । तर अदालतले पक्राउ आदेश जारी गरेको झन्डै एक महिना हुन लाग्दासमेत हालसम्म उनलाई प्रहरीले पक्राउ गरेको छैन ।

जिल्ला प्रहरी कार्यालय पश्चिम नवलपरासीका सूचना अधिकारी रेशम बोहराले अदालतले पक्राउ पुर्जी जारी गरे पछि फरार भएकाले गुप्ताको खोजी भइरहेको तर फेला नपरेको बताए ।