कारागार कार्यालय नवलपरासीका प्रमुख दत्त घुस लिँदै गर्दा पक्राउ

नवलपरासी । कैदीबन्दीलाई चौकीदार बनाउन घुस लिँदै गर्दा कारागार कार्यालय नवलपरासीका प्रमुख प्रशासक विनोदकुमार दत्त पक्राउ परेका छन् । उनलाई डेढ लाख रकमसहित अख्तियार दुरूपयोग अनुसन्धान आयोगको टोलीले पक्राउ गरेको हो । उनलाई कार्यालयमा रहेको निवासबाट आइतबार पक्राउ गरिएको हो ।

कारागार प्रशासक दत्तले कारागारका एक कैदीबन्दीलाई चौकीदार बनाइदिने भन्दै रकम लिएको प्रारम्भिक अनुसन्धानमा देखिएको अख्तियारको भनाइ छ ।

कारागारमा रहेका कैदीबन्दीबाट चौकीदार छनोट गर्ने चलन छ । कारागार, प्रहरी र प्रशासन कार्यालयका प्रतिनिधि सम्मिलित समितिले छनोट गर्छ । अख्तियार प्रवक्ता नरहरि घिमिरेका विराटनगर महानगरपालिका निवासी उनको साथबाट घुस लिइसकेको १ लाख र स्रोत नखुलेको ५० हजार बरामद भएको उल्लेख छ ।