मंसिर ४ पछि माओवादी पहिलो कम्युनिष्ट शक्ति बन्ने पञ्चा सिंहको दाबी

पोखरा । अखिल(क्रान्तिकारी) का अध्यक्ष पञ्चा सिंहले आगामी मंसिर ४ गतेको निर्वाचनपछि माओवादी मुलुकको पहिलो शक्ति बन्ने दाबी गरेकी छन् ।

अखिल (क्रान्तिकारी) गण्डकी प्रदेश समितिको शपथ ग्रहण तथा ३ महिने अभियान उद्घाटन कार्यक्रमलाई सम्बोधन गर्दै माओवादी (केन्द्र)को केन्द्रिय कमिटी सदस्य समेत रहेकी नेतृ सिंहले यस्तो दाबी गरेकी हुन ।

मंसिरको निर्वाचनपछि गठबन्धन बाहिरका शक्ति मुलुकभर टर्च बालेर खोज्नुपर्ने अवस्था आउन सक्ने र गठबन्धनको दोस्रो ठूलो शक्तिको रुपमा माओवादी नै मुलुकको पहिलो कम्युनिष्ट शक्ति हुने अध्यक्ष सिंहको भनाइ छ ।

तीन महिने अभियान सञ्चालन गरेको अखिल(क्रान्तिकारी)ले सुदुरपश्चिम, लुम्बिनि, कर्णालीसहित एक नम्बर प्रदेशमा भेला सकिसकेको र बागमति प्रदेश र मधेश प्रदेशका भेला र कार्यक्रमहरु साउन महिनाभित्र सम्पन्न गरिने अखिल(क्रान्तिकारी)का महासचिव दिपेश पुनले जानकारी दिए ।