तनहुँमा आर्थिक वर्ष २०७८/७९ मा सवारी दुर्घटनामा ४९ जनाले ज्यान गुमाए

दमौली । तनहुँमा सवारीसाधन दुर्घटनाबाट आर्थिक वर्ष २०७८/७९ मा ४९ जनाले ज्यान गुमाएको छ । जिल्ला ट्राफिक प्रहरी कार्यालयका अनुसार एक बर्षको अवधिमा ३५ पुरुष, १२ महिला, एक बालक र एक बालिकाको मृत्यु भएको हो ।

ट्राफिक प्रहरी कार्यालयका प्रमुख प्रहरी नायब निरीक्षक गोकर्ण नेपालका अनुसार ११ ट्रक, १७ बस, १४ जीप/कार, दश ट्याक्टर, एक टेम्पो र ४७ मोटरसाइकल दुर्घटना भएका थिए । दुर्घटनामा परी ४५ पुरुष, १३ महिला, तीन बालक र तीन बालिका घाइते भएका थिए ।

आर्थिक वर्ष २०७७/७८ मा जिल्लामा ४८ जनाले सवारी दुर्घटनामा ज्यान गुमाएका थिए । ज्यान गुमाउनेमा ३७ पुरुष, आठ महिला र तीन बालक छन् ।