मदिरा सेवन गरी विद्यालय प्रवेश गरेका प्रधानाध्यापक पक्राउ

जाजरकोट, साउन १६ । जाजरकोट प्रहरीले मदिरा सेवन गरी विद्यालय गएका प्रधानाध्यापकलाई पक्राउ गरेको छ । जिल्लाको त्रिभुवन माध्यमिक विद्यालयका प्रधानाध्यापक भक्तबहादुर मल्ललाई मदिरा सेवन गरी विद्यालय गएको आरोपमा पक्राउ गरेको हो ।

उनी सोमबार बिहान मदिरा सेवन गरी विद्यालय प्रवेश गरेका थिए । नेत्रविक्रम चन्द्र (विप्लव) नेतृत्वको नेकपा निकट विद्यार्थी संगठन अखिल क्रान्तिकारी जाजरकोटको समन्वयमा मल्ललाई प्रक्राउ गरिएको हो । उनलाई पक्राउ गरेर जिल्ला अस्पताल जाजरकोटमा मेडिकल चेकजाँचका लागि लगिएको जिल्ला प्रहरी कार्यालय जाजरकोटका सुचना अधिकारी एवं प्रहरी निरीक्षक पुष्कर पन्तले जानकारी दिए ।

अस्पतालको रिपोर्टका आधारमा कानुनी प्रक्रिया अघि बढाइने उनको भनाइ छ ।