माओवादी केन्द्रको स्थायी कमिटी बैठक आज बस्दै

काठमाडौं, साउन १५ । नेकपा माओवादी केन्द्रको स्थायी कमिटी बैठक आज बस्दैछ । बैठक पार्टी कार्यालय पेरिसडाँडा दिउँसो ३ बजे बस्ने प्रवक्ता कृष्णबहादुर महराले बताए ।

उनका अनुसार आजको बैठकमा पदाधिकारी चयन र पोलिट ब्युरोबारे छलफल हुने छ । यसअघि शुक्रबार बसेको स्थायी कमिटी बैठकले प्रदेश बैठकका सेड्यूल हेरफेर गरेको थियो ।

पार्टी अध्यक्ष पुष्पकमल दाहाल प्रचण्ड जापान जाने भएपछि माओवादीका पूर्वनिर्धारित प्रदेश बैठकहरु सारिएको थियो ।