गुल्मीको तेस्रो पुलचोक कपको उपाधी सिद्धबाबा माध्यमिक विद्यालयलाई

इन्द्रजित नेपाली
गुल्मी, साउन १४ । गुल्मीको तेस्रो पुलचोक कपको उपाधी सिद्धबाबा माध्यमिक विद्यालय तम्घास गुल्मीले हात पारेको छ । साउन ११ गतेदेखि सुरु भएको तेस्रो पुलचोक कप शनिबारको दिन औपचारिक कार्यक्रम आयोजना गरी समापन गरिएको हो ।

पालुखा माध्यमिक विद्यालय इस्मा गा.पा.- २ गुल्मीलाई ३-१ गोलले हराउँदै सिद्धबाबा माध्यमिक विद्यालय प्रथम भएको हो । कार्यक्रमको प्रथम पुरस्कार नगद २५ हजार सिल्ड, मेडल र प्रमाणपत्र, द्वितीय पुरस्कार नगद १५ हजार सिल्ड, मेडल र प्रमाणपत्र रहेको थियो । अन्य पुरस्कारमा हाइजेस्ट गोल स्कोरर, बेस्ट स्टाइगर, बेस्ट गोलकिपर, बेस्ट डिफेन्डर, इमर्जिङ्ग प्लेयर, फेयर प्ले अवार्डले खेलाडीलाई सम्मान गरिएको थियो ।

प्रतियोगितामा विभिन्न विद्यालयबाट १० टिम दर्ता भएका थिए । क्लबले विगतका वर्षमा पनि आफ्नो बार्षिकोत्सवको अवसरमा छात्रा फुटवल प्रतियोगिता संचालन गर्दै आएको छ ।