हेटौंडामा प्रधानमन्त्री देउवा र माओवादी अध्यक्ष प्रचण्डको तस्बिर जलाइयो

हेटौँडा, साउन १३ । हेटौँडामा प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहाल प्रचण्डको तस्बिर जलाइएको छ ।

शुक्रबार साँझ नागरिकता विधेयकको विरोधमा राप्रपा मकवानपुरले हेटौँडामा राँके जुलुससहित प्रदर्शन गर्दै प्रधानमन्त्री देउवा र माओवादी अध्यक्ष प्रचण्डको पुत्ला दहन गरेका हुन् ।

राप्रपाले नागरिकता विधेयक, भ्रष्टाचार र अन्य समसामयिक विषयमा विरोध प्रदर्शन गरेका थिए । उनीहरूले राष्ट्रघाती नागरिक अध्यादेश र संघीयता खारेजीको माग गरेका छन् ।