आन्तरिक एकता कमजोर हुँदा निर्वाचनमा पराजय भोग्नुपरेको उपाध्यक्ष थापाको निष्कर्ष

एजेन्सी

सारांश
- नेकपा (एमाले) का उपाध्यक्ष रामबहादुर थापाले पार्टीभित्रको आन्तरिक एकता कमजोर हुनु, सङ्गठनात्मक अराजकता र जनतासँगको सम्बन्ध टुट्नु नै विगतको निर्वाचनमा पराजयको मुख्य कारण रहेको बताएका छन्।
- उनले पपुलिस्ट शक्तिहरूले जनतामा भ्रम फैलाउने र राजनीतिक दमन बढाउने प्रयास गरिरहेको उल्लेख गर्दै आगामी २०८४ को निर्वाचनलाई सामान्य नभई लोकतान्त्रिक तथा देशभक्त शक्तिहरूको प्रतिस्पर्धाको रूपमा लिनुपर्नेमा जोड दिएका छन्।
- संविधान संशोधनका लागि दुईतिहाइ बहुमत आवश्यक पर्ने र भूराजनीतिक दबाब बढ्दै गएको अवस्थामा एमालेले आफ्ना कमजोरीहरू सुधार गर्दै नीति, स्पष्ट नेतृत्व र जनतासँगको सम्बन्धलाई प्राथमिकता दिनुपर्ने उनको धारणा छ।

काठमाडौँ । नेकपा (एमाले) का उपाध्यक्ष एवं प्रतिनिधिसभामा संसदीय दलका नेता रामबहादुर थापाले पार्टीभित्रको आन्तरिक एकता कमजोर हुँदा विगतको निर्वाचनमा पराजय भोग्नुपरेको निष्कर्ष सुनाएका छन् ।
बिहीबार काठमाडौँमा जारी एमाले राष्ट्रिय भेलाको दोस्रो दिन सम्बोधन गर्दै उनले प्रतिद्वन्द्वीविरुद्ध प्रभावकारी सहकार्य गर्न नसक्नु, आन्तरिक एकता कायम नहुनु र जनतासँग प्रत्यक्ष सम्बन्ध स्थापित हुन नसक्नु पराजयका मुख्य कारण रहेको बताएका हुन् ।
पछिल्लो राजनीतिक घटनाक्रममा भू–राजनीतिक शक्तिहरूबीचको सङ्घर्ष तीव्र बन्दै गएको र पपुलिस्ट शक्तिहरूको आन्तरिक सत्ता सङ्घर्ष चर्किरहेको थापाले विश्लेषण गरे । लोकतान्त्रिक शक्तिहरूबिच सहकार्य बढ्दै गएको तथा जनतामा व्याप्त भ्रम हटेर आक्रोश बढिरहेको बताउँदै उनले संसदीय, सडक र कानुनी सङ्घर्षका माध्यमबाट फासिवादको प्रतिवाद गर्नुपर्ने धारणा राखे ।
भेलालाई सम्बोधन गर्दै उपाध्यक्ष थापाले भने, ‘विगतको निर्वाचनमा हामीले राजनीतिक प्रतिद्वन्द्वीविरुद्ध प्रभावकारी सहकार्य गर्न सकेनौँ, आन्तरिक एकता कायम गर्न सकेनौँ र जनतासँग प्रत्यक्ष सम्बन्ध स्थापित गर्न सकेनौँ । साथै, सामाजिक सञ्जालको भ्रम, कथित डीप स्टेटको षड्यन्त्र, दक्षिणपन्थी अवसरवाद र सङ्गठनात्मक अराजकतालाई नियन्त्रण गर्न सकेनौँ । राष्ट्रिय स्वाधीनता, लोकतन्त्र र समृद्धिका लागि एकता, सङ्घर्ष र विजयको विकल्प छैन ।’
यस्तै, उपाध्यक्ष थापाले आगामी निर्वाचनमा पपुलिस्ट र लोकतान्त्रिक शक्तिबिच तीव्र प्रतिस्पर्धा हुने बताए । घटनाक्रममा अप्रत्याशित परिवर्तन नभए आगामी वर्ष २०८४ निर्वाचन र चुनावी सङ्घर्षको वर्ष हुने उल्लेख गर्दै उनले पपुलिस्ट शक्तिहरूले आफ्नो राजनीतिक वर्चस्व कायम गर्न खोज्ने र त्यसको प्रतिवाद लोकतान्त्रिक तथा देशभक्त शक्तिहरूले गर्नुपर्ने बताए ।
स्थानीय तह, प्रदेशसभा, राष्ट्रियसभा र राष्ट्रपति पदमा कायम रहेको राजनीतिक प्रभाव जोगाउन एमालेले आफ्ना कमजोरी पहिचान गरी सुधार गर्नुपर्नेमा उनले जोड दिए । पपुलिस्ट शक्तिहरूले देशभक्त तथा लोकतान्त्रिक दलहरूमा विभाजन ल्याउने, जनतामा भ्रम फैलाउने र सुशासन तथा सम्पत्ति छानबिनको नाममा राजनीतिक दमन बढाउने प्रयास गरिरहेको थापाले आरोप लगाए ।
आगामी निर्वाचनलाई सामान्य चुनावका रूपमा लिन नहुने बताउँदै उनले भने, ‘आगामी निर्वाचन असामान्य राजनीतिक परिस्थितिमा हुँदैछ । संविधान संशोधनका लागि प्रतिनिधिसभा र राष्ट्रियसभामा दुईतिहाइ बहुमत आवश्यक पर्ने भएकाले आगामी निर्वाचनको राजनीतिक महत्त्व अझ बढेको छ । कुनै पनि राजनीतिक सङ्घर्षमा नीति, नेतृत्व र जनता मुख्य आधार हुन् । विगतका कमजोरी सच्याउँदै एकता, स्पष्ट नीति र जनतासँगको सम्बन्धलाई प्राथमिकता दिन आवश्यक छ ।’
चिनियाँ रणनीतिकार सुन जुको भनाइ उद्धृत गर्दै उपाध्यक्ष थापाले आफू र प्रतिस्पर्धी दुवैलाई चिन्न सके मात्रै राजनीतिक सङ्घर्षमा सफलता प्राप्त गर्न सकिने बताए ।

प्रदेश प्रमुखले दिएको समयसीमा सकिन एक दिन बाँकी रहँदासमेत मधेसमा नयाँ सरकारबारे अन्योल

थोरङ्ला पास हुँदै आठ हजार बढी पर्यटक मुस्ताङ भित्रिए

काभ्रेमा दुई दिनमा ७६ विदेशी नागरिक पक्राउ, ठूलो सङ्ख्यामा डिजिटल उपकरण बरामद

पाकिस्तानमा २२ आतङ्ककारी मारिएको सेनाको दाबी

बंगलादेशमा हिंसा र आगजनी चर्कियो, मोहम्मद युनुसको पुर्ख्यौली घर र प्रहरी चौकीमा आगजनी
अरुपनि पढ्नुहोस
सबै
इमरान खानको सुरक्षाका लागि छोराले गुहारे विश्व समुदायलाई

नेपाल धितोपत्र बोर्डले सार्वजनिक गर्यो वैकल्पिक लगानी कोष नियमावलीको मस्यौदा

ट्रम्प र सीबिचको द्विपक्षीय बैठक सम्पन्न, के-के भयो कुराकानी ?

१३ वर्षको प्रतीक्षापछि आएको ‘जीटीए ६’ कस्तो गेम हो, जसले विश्वमै चर्चा बटुलिरहेको छ ?
















