Opens in a new tab

मुन्दु गाउँ र सेरा जाेड्न झोलुङ्गे पुल निर्माण हुने

रासस

315Shares

सारांश

  • मुगुको मुन्दु र सेरालाई जोड्न २५० मिटर लामो झोलुङ्गे पुल निर्माण गरिने भएको छ।
  • कर्णाली प्रदेशका मुख्यमन्त्री मङ्गलबहादुर शाहीले यस पुल निर्माणका लागि ३० लाख रुपैयाँ बजेट विनियोजन गरिएको बताएका छन्।
  • पुल निर्माण भएपछि मुन्दु, कोटिला, लिउडी लगायत दर्जनौँ बस्तीका बासिन्दालाई आवतजावतमा सहज हुनुका साथै ऋणमोक्ष धाम जाने बाटो सुधार हुनेछ।
dida bag ad

मुगु । मुन्दु गाउँ र सेराको जोड्ने २५० मिटर लामो झोलुङ्गे पुल निर्माण हुने भएको छ । कर्णाली प्रदेशका मुख्यमन्त्री मङ्गलबहादुर शाहीले पुल निर्माणका लागि रु ३० लाख बजेट विनियोजन गरिएको बताए ।

हालै यहाँ स्थानीयसँग आयोजना गरिएको छलफलमा मुख्यमन्त्री शाहीले कोटिला र मुन्दु गाउँका बासिन्दालाई स्थानीय सडक मर्मतसम्भारसँगै धार्मिक र पर्यटकीय महत्वको ऋणमोक्ष धामसम्म पुग्ने बाटो पनि सुधार गरिने प्रतिबद्धता व्यक्त गर्दै पुल निर्माणको प्रक्रिया तत्काल प्रारम्भ गरिने बताए ।

पुल निर्माणपछि मुन्दु, कोटिला, लिउडी, घट्टलेक, तलीलेक, लुवारपोल्नालगायत दर्जनौँ बस्तीका स्थानीयलाई आवतजावतमा सहज हुनेछ ।