हिमाल आरोही ‘निम्सदाइ’ पुर्जाको अन्त्येष्टि आज, आफन्त र परिवारजन मात्र सहभागी हुने

नवलपुर टुडे


-चिरन शर्मा
लण्डन । पाकिस्तानको ब्रोड पिक हिमाल आरोहणका क्रममा निधन भएका चर्चित नेपाली पर्वतारोही निर्मल पुर्जा ‘निम्सदाइ’को अन्त्येष्टि आज (बुधबार) बेलायतको डोर्सेटमा गरिँदै छ। पारिवारिक स्रोतका अनुसार अन्त्येष्टि समारोहमा परिवारका सदस्य तथा निकट आफन्त मात्र सहभागी हुनेछन्।
निम्सका दाइ कमलबहादुर पुर्जाले मंगलबार जारी गरेको विज्ञप्तिमा अन्त्येष्टि स्थलको सीमित क्षमता, सुरक्षा व्यवस्था, परिवारको गोपनीयता तथा प्रतिकूल मौसमलाई ध्यानमा राख्दै समारोहमा ठुलो संख्यामा सहभागी गराउन नसकिने जानकारी दिएका छन्।
विज्ञप्तिअनुसार यसअघि नाम दर्ता गराएका व्यक्तिहरूलाई मात्र अन्त्येष्टि समारोहमा सहभागी हुन अनुमति दिइनेछ। साथै, ज्येष्ठ नागरिक तथा साना बालबालिकालाई समारोहमा उपस्थित नहुन परिवारले आग्रह गरेको छ।
अन्त्येष्टि समारोह सम्पन्न भएपछि निर्मल पुर्जाप्रति सार्वजनिक रूपमा श्रद्धाञ्जली अर्पण गर्न छुट्टै कार्यक्रम आयोजना गरिने जनाइएको छ। उक्त कार्यक्रममार्फत उनका सहकर्मी, शुभेच्छुक, नेपाली समुदाय तथा पर्वतारोहण क्षेत्रमा आबद्ध व्यक्तिहरूले श्रद्धाञ्जली अर्पण गर्ने अवसर पाउने अपेक्षा गरिएको छ।
पाकिस्तानको काराकोरम हिमशृङ्खलामा अवस्थित ८ हजार ४७ मिटर अग्लो ब्रोड पिकमा गत जुलाई ३० मा भएको दुर्घटनामा पुर्जासहित ६ जना नेपालीको निधन भएको थियो। पर्वतारोहण क्षेत्रमा विश्वव्यापी पहिचान बनाएका पुर्जाको निधनले नेपाली तथा अन्तर्राष्ट्रिय पर्वतारोहण समुदायमा गहिरो शोक निम्त्याएको छ।


सौर्य तारबार र ट्याक्टर परिचालन गर्न स्थानीयको माग

हरितगृह ग्यास उत्सर्जन कटौती गर्नुपर्नेमा महासचिव गुटेरेसको जोड

जलवायु कूटनीतिमा नेपालको तयारी थप सुदृढ बनाउनुपर्छ : परराष्ट्रमन्त्री खनाल

अरुपनि पढ्नुहोस
सबै
अमेरिकामा सेप्टेम्बर ११ पछि दोस्रो पटक देशभरका उडान रोकिए

वाग्मतीसहित यी प्रदेशमा हुनेछ वर्षा

भारतमा लोकतन्त्र सम्मेलन : मोदीलाई प्रश्न गर्ने नर्वेली पत्रकारसहित ११५ विदेशीले पाएनन् प्रवेश

















