एसियाली बजारमा आज तेलको मूल्य १ प्रतिशतले बढ्याे

न्यूयोर्क । इरान र अमेरिकाबिचको तनाव पुनः चर्किएसँगै अन्तर्राष्ट्रिय बजारमा कच्चा तेलको मूल्य केही सातायताकै उच्च स्तरमा पुगेको छ । अमेरिकी राष्ट्रपति डोनाल्ड ट्रम्पले इरानसँग भएको शान्ति सम्झौता समाप्त भएको बताएका भोलिपल्ट एसियाली कारोबारमा तेलको मूल्य करिब १ प्रतिशतले बढेको हो ।

इरानले स्ट्रेट अफ होर्मुज भएर आवतजावत गर्ने जहाजहरूलाई लक्षित आक्रमण गरेपछि पश्चिम एसियाबाट हुने विश्व बजारमा ऊर्जा आपूर्तिमा थप अवरोध आउन सक्ने चिन्ता बढेको छ । यही कारण अन्तर्राष्ट्रिय बजारमा तेलको मूल्य उकालो लागेको विश्लेषण गरिएको छ ।

यो वृद्धिसँगै तेलको मूल्य जुन महिनाको मध्यतिर देखिएको स्तर नजिक पुगेको हो । त्यतिबेला अमेरिका र इरानले द्वन्द्व अन्त्यका विषयमा छलफल गर्न अन्तरिम सहमतिको घोषणा गरेका थिए । हालको मूल्य युद्धको प्रारम्भिक चरणमा स्तरभन्दा अझै तल छ । युद्ध सुरु हुँदा अन्तर्राष्ट्रिय बजारमा कच्चा तेलको मूल्य प्रति ब्यारेल करिब १२० अमेरिकी डलरसम्म पुगेको थियो ।