सफल भयो स्पेशएक्सको विशाल स्टारशिप रकेटको ११औँ परीक्षण

वासिङ्टन डीसी । विश्वका सबैभन्दा धनी व्यापारी एलोन मस्कको स्वामित्वमा रहेको कम्पनी स्पेसएक्सले अर्को महत्त्वपूर्ण उपलब्धि हासिल गरेको छ । कम्पनीको सबैभन्दा शक्तिशाली रकेट स्टारशिपको ११ औँ परीक्षण सफल भएको हो । प्रक्षेपण अक्टोबर १४ को बिहान ५ः०० बजे टेक्सासबाट भएको थियो । यानको हिन्द महासागरमा अवतरण गरिएको थियो ।

यो यानको ११ औँ परीक्षण थियो । उडानको क्रममा स्टारशिप रकेटले सफलतापूर्वक विश्वको आधा परिक्रमा गर्याे । सुपर हेभी बूस्टर मेक्सिकोको खाडीमा पानीमा अवतरित भयो भने स्टारशिप हिन्द महासागरको पानीमा अवतरण भयो । परीक्षण १ घण्टा ६ मिनेटसम्म चलेको थियो । स्टारशिपलाई भविष्यमा रकेट प्रक्षेपणहरूको परीक्षण गर्ने उद्देश्यले गरिएको थियो । स्टारशिप ४०३ फिट अग्लो छ । स्पेसएक्सका संस्थापक र सीईओ एलोन मस्कको मंगल ग्रहमा मानिसहरू पठाउन यो यान प्रयोग गर्ने योजना बनाएका छन् ।