लहानबाट लागुऔषधसहित २ जना पक्राउ

सिरहा । सिरहाको लहानबाट लागुऔषधसहित दुई जना पक्राउ परेका छन । पक्राउ पर्नेमा लहान नगरपालिका – १ बस्ने बर्ष ३० को दिलिप साह र सोही नगरपालिका – ७ बस्ने बर्ष २८ को गोपाल दास रहेको प्रहरीले जनाएको छ ।

उनिहरुलाई आईतवार जिल्ला प्रहरी कार्यालय सिरहा र ईलाका प्रहरी कार्यालय लहानबाट प्रहरी नायव उपरिक्षक कुमार प्रसाद मैनालीको नेतृत्वमा खटिएको संयुक्त प्रहरी टोलीले लहान नगरपालिका अस्पताल चोकस्थित सगरमाथा होटेलबाट लागुऔषधसहित पक्राउ गरेको हो ।

उनिहरुले लागूऔषध सम्बन्धी शंकास्पद कारोवार गरिरहेकाे बिशेष सुचनाको आधारमा खानतलाशी गर्दा फेनरागन- ९९१ एम्पुल, डाईजिपाम- ९९१ एम्पुल, ब्युप्रिनोर्फिन- ९९१ एम्पुल, स.६ प. ६३३ नं. को मोटरसाईकल थान- १, मोबाईल थान-२ (नोकिया सादा सेट थान-१, र ओपो कम्पनीको मोबाईल सेट थान-१)सहित नियन्त्रणमा लिई थप अनुसन्धान कार्य अगाडि बढाईएको सिराहा प्रहरीले जनाएको छ ।