बुटवलमा लागुऔषधसहित दुई जना पक्राउ

बुटवल । रुपन्देहीमा प्रहरीले लागु औषध सहित दुई जना युवालाई पक्राउ गरेको छ । पक्राउ पर्नेमा देवदह नगरपालिका वार्ड २ का २५ वर्षीय दूधनाथ यादव र नवलपरासी पाल्हिनन्दन गाउँपालिका–२ का २६ वर्षीय धनेश यादव रहेका छन ।

उनिहरुलाई भारतीय नम्बर प्लेट यूपी ५३ जेट ३५९७ नम्बरको मोटरसाइकलमा सवार गरिरहदा शंका लागि खानतलासी गर्ने क्रममा साथबाट फेनेरागन ५५ सीसी, नोफिन ५५ सीसी र डाइजेपाम ५५ सीसी लागुऔषधसहित पक्राउ गरिएको जनाएको छ ।

प्रहरीले थप अनुसन्धानको लागि कानुनी प्रक्रिया सुरु गरेको प्रहरी प्रवक्ता नवरत्न पौडेलले बताए ।