सप्तरीमा बेवारीसे नवजात शिशु फेला सवल नेपालको संरक्षण

महेश सिंह
सिरहा । सप्तरीको सुरुङ्गा नगरपालिका ११ स्थित बिहुल खोलामा नवजात शिशु फालिएको अबस्थामा फेला परेको छ। करिब २५ घण्टा अगाडि जन्मिएको नवजात शिशु कपडामा बेरिएको अबस्थामा भेटीएको हो।

बिहान स्थानीय गाउँलेहरु खोलातिर सौच गर्न गएका बेला बच्चा फेला पारेपछि प्रहरीलाई जानकारी गराएका थियो । ईलाका प्रहरी कार्यालय सप्तरीको टोलिले घटना स्थलमा पुगि शिशुलाई उद्दार गरिएको छ । प्रहरीले शिशुको बारेमा अनुसन्धान गरिरहेको छ ।

घटना स्थलमा मानव अधिकार संग सरोकार राख्ने संस्था सप्तरीको कल्याणपुरस्थित रहेको सवल नेपालको बालबालिकाहरुलाई घर घरमा सुरक्षितित कार्यक्रमको परियोजना अधिकृत राधेश्याम रामको एक समुहले शिशुलाई न्यानो कपडा र उपचारमा लाग्ने औषधी खर्चको समेत बिल फरछौँट गरी ईलाका प्रहरी कार्यालय कडर्बोनाबाट खटीएको टोलिको रोहबरमा सवल नेपालको परियोजना अधिकृत राधेश्याम रामको विशेष पहल र वडा कार्यालयको रोहबरमा स्थानीय निसन्तान पुरन साहले आफू खुशी बच्चालाई गोदलीई धर्म पुत्र अर्थात छोराको सम्पुर्ण हकअधिकारको जिम्मेवार उनले नै हुने र आफू जिवन निर्वाह गर्ने प्रतिबद्धता ब्यक्त गर्नु भयो ।

बच्चालाई पालन पोषणको सम्पुर्ण जिम्मा आफनो हो भन्ने समाजको रोहबरमा प्रतिबद्धता जनाउनु भयो। सवल नेपालले यस्तो घटनाहरुमा संरक्षणका लागि अग्रनी भुमिका खेल्दै आएका छन्।