अध्यक्षमा उम्मेदवारी दिने रामबालक यादवको घोषणा

लहान १२ असोज । मिसन २०८४ अन्तर्गत स्थानीय तह निर्वाचनमा राष्ट्रिय स्वतन्त्र पार्टी (रास्वपा) बाट गाउँपालिका अध्यक्ष पदमा रामबालक यादवले उम्मेदवारी दिने घोषणा गरेका छन्।

पेशाले विज्ञान शिक्षक रहेका यादवले शिक्षा, स्वास्थ्य कृषि तथा भौतिक पूर्वाधारको विकासलाई प्राथमिकतामा राख्ने बताएका छन्। निर्वाचित भए पालिकाको शिक्षा प्रणाली सुधारसँगै विद्यालयमा देखिएका विकृति हटाउन काम गर्ने उनको भनाइ छ।

सिरहाको लक्ष्मीपुरपतारी गाउँपालिकाका यादव विभिन्न शैक्षिक संस्थामा आबद्ध रही विद्यार्थीलाई ज्ञानसँगै साक्षरता अभियानमा सक्रिय रहँदै आएका छन्। अब पढाएर मात्रै हुँदैन पालिकाको शिक्षा प्रणाली र विद्यालयमा देखिएका विकृति सुधार्नुपर्छ उनले नवलपुर टुडे सँग भने।