Opens in a new tab

तीन महिनामा ४५ आगलागीका घटना, १७ करोड बढीको क्षति

नवलपुर टुडे

945Shares

सारांश

  • झापामा पछिल्लो तीन महिनामा आगलागीका ४५ वटा घटना हुँदा १७ करोड ५१ लाख रुपैयाँभन्दा बढीको धनमाल क्षति भएको छ।
  • कार्तिक महिनामा मात्रै २६ वटा आगलागीका घटनाबाट ६ करोड ७२ लाख रुपैयाँ क्षति हुनुका साथै दुई जनाको मृत्यु र तीन जना घाइते भएका छन्।
  • जिल्लामा गत तीन महिनाको अवधिमा घटेका विपद्का घटनामध्ये आगलागीबाट सबैभन्दा बढी आर्थिक क्षति भएको जिल्ला प्रहरी कार्यालयले जनाएको छ।
dida bag ad

झापा । झापामा पछिल्लो तीन महिनामा आगलागीका ४५ घटना भएका छन् । भदौ, असोज र कात्तिकमा भएका ती घटनामा रु १७ करोड ५१ लाख १३ हजार ९७५ बराबरको आर्थिक क्षति भएको जिल्ला प्रहरी कार्यालयले जनाएको छ ।

कात्तिकमा मात्रै २६ वटा आगलागीका घटना हुँदा रु छ करोड ७२ लाख २१ हजार बराबरको अनुमानित क्षति भएको जिल्ला प्रहरी कार्यालयका सूचना अधिकारी एवं प्रहरी नायब उपरीक्षक सुवास बुढाथोकीले जानकारी दिए । उनका अनुसार ती घटनामा परी दुई जनाको मृत्यु भएको छ भने तीन जना घाइते भएका छन् ।

त्यस्तै, असोजमा आगलागीका १२ घटना हुँदा रु १० करोड ६६ लाख ८२ हजार ९७५ बराबरको क्षति भएको थियो भने भदौमा सात वटा घटना हुँदा रु १२ लाख १० हजार बराबरको क्षति भएको जिल्ला प्रहरी कार्यालयको तथ्याङ्कमा उल्लेख छ ।

प्रहरी नायब उपरीक्षक बुढाथोकीका अनुसार जिल्लामा पछिल्लो तीन महिनाको अवधिमा विपद्का अन्य घटनाको तुलनामा आगलागीबाट सबैभन्दा बढी आर्थिक क्षति भएको छ ।