एक–अर्काभन्दा बिल्कुल उल्टो शर्त राखिरहेछन् अमेरिका–इरान

तेहरान । अमेरिका र इरानबिच जारी द्वन्द्व अन्त्य गर्ने विषयमा दुवै पक्षका मागहरू एक–अर्काबाट बिल्कुल उल्टो रहेको कूटनीतिक स्रोतहरूले बताएका छन् ।

रिपोर्टअनुसार इरानले प्रस्तुत गरेको प्रारम्भिक १० बुँदे प्रस्ताव र अमेरिकी पक्षको १५ बुँदे प्रस्तावबिच गहिरो असहमति देखिन्छ । यी प्रस्तावमा आणविक कार्यक्रम, क्षेत्रीय सुरक्षा, प्रतिबन्ध हटाउने विषय र सैन्य गतिविधि नियन्त्रण जस्ता मुद्दामा ठुलो भिन्नता रहेको बताइएको छ ।

यसैबिच इरानका विदेशमन्त्री अब्बास अराघची सक्रिय कूटनीतिक सम्पर्कमा छन् । उनले विभिन्न क्षेत्रीय देशका समकक्षीहरूसँग फोन वार्ता र भेटघाट बढाइरहेका छन् । विशेष गरी मध्यस्थतामा पाकिस्तानको भूमिका र ओमानको कूटनीतिक मध्यस्थता महत्वपूर्ण मानिएको छ ।ओमानलाई इरान–अमेरिका संवादमा एक विश्वसनीय मध्यस्थका रूपमा पुनः देखा परेको टिप्पणी गरिएको छ ।