कोलम्बियामा बम विस्फोट : १४ जनाको मृत्यु

बोगोता । दक्षिणी कोलम्बियाको काउका क्षेत्रमा भएको शक्तिशाली बम विस्फोटमा कम्तीमा १४ जनाको मृत्यु भएको छ भने दर्जनौँ घाइते भएका छन् । जसमा बालबालिका समेत परेका छन् । घटनामा धेरै सवारी साधन समेत नष्ट भएका छन् । सडकभरि भग्नावशेष फैलिएको देखिएको छ ।

कोलम्बियाका राष्ट्रपति गुस्ताभो पेत्रोले यस आक्रमणको दोष क्रान्तिकारी सशस्त्र बल (एफएआरसी)का विद्रोही समूहसँग सम्बन्धित असन्तुष्ट गुटहरूलाई दिएका छन् । आक्रमणकारीलाई उनले आतङ्ककारी, फासिस्ट र लागूऔषध तस्कर भन्दै कडा कारबाही गर्ने बताएका छन् ।

सो क्षेत्रमा पछिल्ला दिनहरूमा अन्य साना आक्रमण पनि भएका छन्, जसमा काली सहरको एक सैन्य आधारमा भएको आक्रमणसमेत पर्दछ । रक्षा मन्त्री एभमचय अर्नुल्फो साञ्चेजका अनुसार सोही दिन विस्फोटकले भरिएको बस पनि फेला परेको थियो, जुन विस्फोट हुन असफल भएको थियाे ।

३१ मेमा हुने राष्ट्रपतीय निर्वाचनको तयारी भइरहँदा यो घटना भएको हो । राष्ट्रपति पेत्रोले विभिन्न सशस्त्र समूहहरूसँग पूर्ण शान्ति नीतिअन्तर्गत वार्ता गरिरहेका छन् तर पछिल्ला वर्षहरूमा पुनः राजनीतिक हिंसा बढ्दै गएको छ ।सन् २०१६ मा भएको शान्ति सम्झौतापछि पनि केही एफएआरसी सदस्यहरूले सम्झौता अस्वीकार गर्दै सरकारसँगको वार्ता अवरुद्ध गर्ने प्रयास गर्दै आएका छन् ।