ईयूमा ६ करोड ४२ लाख पुग्यो आप्रवासी जनसङ्ख्या

काठमाडौँ । यूरोपेली सङ्घ (ईयू)मा बसोबास गर्ने आप्रवासीहरूको सङ्ख्या सन २०२५ मा रेकर्ड स्तरमा पुगेको छ । नयाँ अध्ययनअनुसार कुल आप्रवासी सङ्ख्या ६ करोड ४२ लाख पुगेको छ, जुन अघिल्लो वर्षको तुलनामा करिब २१ लाख बढी हो। यो रिपोर्ट सेन्टर फर रिसर्च एन्ड एनालाइसिस अन माइग्रेसनले प्रकाशन गरेको हो र यसमा यूरोस्ट्याट र संयुक्त राष्ट्र सङ्घको शरणार्थी हेर्ने निकायको तथ्याङ्क प्रयोग गरिएको छ । सन् २०१० मा यो सङ्ख्या करिब ४ करोड मात्र थियो।

स्पेनमा भने पछिल्लो समय सबैभन्दा तीव्र वृद्धि देखिएको छ । त्यहाँ ७ लाख थपिएर कुल आप्रवासी सङ्ख्या ९५ लाखमा पुगेको छ । अध्ययनका लेखक टोमासो फ्राट्टिनीका अनुसार जर्मनी जनसङ्ख्याको अनुपातमा र कुल सङ्ख्यामा दुवैमा युरोपमा आप्रवासीहरूको प्रमुख गन्तव्य देश हो ।

तर आप्रवासनको वितरण भने ईयूभर असमान देखिएको छ । लक्जेम्बर्ग, माल्टा र साइप्रसमा जस्ता साना देशहरूमा जनसङ्ख्याको अनुपातमा आप्रवासीहरूको हिस्सा धेरै उच्च छ । 

शरणार्थी आवेदन पनि केही देशमा केन्द्रित देखिएको छ । स्पेन, इटली, फ्रान्स र जर्मनीले मिलेर कुल शरणार्थी आवेदनको करिब तीन चौथाइ हिस्सा ओगटेका छन् । जर्मनीमा मात्रै  २७ लाख आप्रवासी छन्।