‘युद्धबाट नसकेको काम ट्रम्पले वार्तामा पनि गर्न सक्दैनन्’

काठमाडौँ । रुसका लागि इरानी राजदूत काजेम जलालीले इरानमाथिको आक्रमणमा अमेरिका र इजरायल असफल भएको बताएका छन्।वार्ताको टेबुलमा पनि अमेरिकाले खासै केही हासिल गर्न नसक्ने यनको भनाइ छ । अमेरिका र इजरायलले केही दिनमै सारा इरान जितेर इरानमा शासन परिवर्तन गर्न सक्ने दाबी गरेको तर कुनै पनि लक्ष्य हासिल गर्न नसकेको रूसी पत्रिका भेदोमोस्तीसँगको अन्तर्वार्तामा उनले बताए ।

युद्धले इरानलाई कमजोर बनाउनुको सट्टा अझ मजबुत बनाएको उनले दाबी गरेका छन् । वार्तामा पनि अमेरिकाले युद्धमा असफल भएको लक्ष्य हासिल गर्न नसक्नेमा जलालीले जोड दिएका छन्। 

अमेरिकाले इरानको १० बुँदे योजनामा सहमति जनाएर पछि यसलाई त्यागेको जलालीले बताए । उनका अनुसार डोनाल्ड ट्रम्पले युद्ध गरेर हासिल गर्न नसकेको कुरा वार्ताबाट पनि सम्भव हुँदैन।