विश्वकप फुटबल: कतारलाई हराउँदै इक्वेडर विजयी

काठमाडौ । फिफा विश्वकप २०२२ मा आयोजक कतार उद्‌घाटन खेलमा पराजित भएको छ। आइतबार राति भएको उद्घाटन खेलमा आयोजक कतारलाई २-० गोल अन्तरले हराउँदै इक्वेडरले सुखद सुरुआत गरेको हो।

इक्वेडरका लगि दुवै गोल इनर भ्यालेन्सियाले गरे। उनले खेलको १६ मिनेटमा पेनाल्टीमार्फत पहिलो गोल गरे। ३१ मिनेटमा उनले अग्रता दोब्बर पारे।

यस जितसँगै समूह ‘ए’ मा रहेको इक्वेडरले पहिलो खेलमै ३ अंक जोडेको छ। आयोजक कतारले भने हारबाट विश्वकपको सुरुआत गरेको छ। कतार विश्वकपको उद्घाटन खेलमा हार व्यहोर्ने पहिलो आयोजक राष्ट्र बनेको छ। यस अघि कुनैपनि आयोजक राष्ट्र उद्घाटन खेलमा पराजित भएको थिएनन्।

विश्वकपमा भोलि सोमबार साँझ ६:४५ मा  इंग्ल्यान्ड र इरान समूह बीको खेलमा तथा राति ९:४५ मा सेनेगल र नेदरल्यान्ड्स समूह ‘ए’ को खेलमा प्रतिस्पर्धा गर्नेछन्।