८८ स्वर्णसहित आर्मी पदक तालिकाको शीर्षस्थान 

पोखरा । गण्डकी प्रदेशमा जारी नवौँ राष्ट्रिय राष्ट्रिय खेलकुद प्रतियोगिताको कातिक १ गतेको खेल सकिँदासम्म त्रिभुवन आर्मी क्लबले पदक तालिकामा फराकिलो अग्रता बनाउँदै गएको छ ।

सहभागिता जनाएका हरेक खेलमा पकड जमाएको आर्मीले शारीरिक सुगठन, तेक्वान्दो, फेन्सिङ, पौडी लगायतका खेलमा सर्वाधिक स्वर्णसहित पदक जित्दै च्याम्पियन बनेको छ ।

एथ्लेटिक्स लगायतका खेलमा पनि आर्मीले वर्चस्व जमाएको छ । सातौँ र आठौँको च्याम्पियन आर्मी यसपटक पनि सर्वाधिक पदक जित्दै च्याम्पियन बन्ने बाटोमा पुगिसकेकाे छ ।

आर्मीले दोस्रो स्थानमा रहेको नेपाल पुलिस क्लबले भन्दा दोब्बर बढीले स्वर्ण पदक जितेको छ । सहभागी सबै ११ टोलीले स्वर्णको खाता खोलिसकेका छन् । आर्मीले अहिलेसम्म ८८ स्वर्ण ५८ रजत, ३८ कास्य गरी कुल १८५ पदक जित्दा दोस्रो स्थानमा रहेको पुलिसको ३७ स्वर्ण, ३१ रजत र ४० कास्य गरी कुल १०८ पदक रहेको छ ।

तेस्रो स्थानमा एपीएफ रहँदा चौंथो स्थानमा गण्डकी, पाँचौँ स्थानमा एनआरएनए, सातौँ स्थानमा सुदूरपश्चिम प्रदेश छन् ।