सशस्त्र प्रहरी बलको सूचना विभाग एवं ईन्टेलिजेन्ट व्युरोमा कार्यरत हवलदार साहको कोठाबाट तस्करीको कपडा बरामद

बारा । सशस्त्र प्रहरी बलको सूचना विभाग एवं ईन्टेलिजेन्ट व्युरोमा कार्यरत एक प्रहरी हवलदारको कोठाबाट तस्करीको कपडा बरामद भएको छ ।

ईन्टेलिजेन्ट व्युरोमा कार्यरत प्रहरी हवलदार गगनदेव साहले शनिवार एक तस्करबाट दुई साईकल कपडा पक्राउ गरेका थिए । पक्राउ गरेको सो कपडा कार्यालयमा नबुझाई आफ्नै कोठामा राखेका थिए । साहले सशस्त्र प्रहरी बलको माथिल्लो निकायमा आफ्नो साठगाठ रहेको हवाला दिदै उनले तस्करसँग बारगेनिङ्ग गरी मासिक लाखौ लाख असुली गरिरहेको समाचार स्रोतको दाबी रहेको छ ।

समाचार स्रोतका अनुसार सशस्त्र प्रहरी बल बारा प्रहरी उपरिक्षक रुबिन राज कर्णजितको समेत घुमुवा रहेका गगनदेव साहले सेटिङ्ग रहेका तस्करका सामग्रीहरु छोडने गरेको र सेटिङ्ग नगरी सानोतिनो कामहरु गर्ने व्यपारीहरुको सामग्रीहरु पक्राउ गरी कार्यालयमा नबुझाई आफै राख्ने गरेको अर्थात बेंची दिने गरेको जनाईएको छ ।

शनिवार पक्राउ गरेको सो कपडाहरु प्रहरी हवलदार साहले आफ्नै घरमा राखेको सूचना पाएपछि सशस्त्र प्रहरीको एक टोलीले साहको घरमा छापामारी गर्दा ५० हजार मुल्य बराबरको दुई पोका कपडा बरामद गरेको छ । सो सम्बन्धमा बाराका सशस्त्र प्रहरी उपरिक्षक कर्णजितको मोबाईलमा बारम्बार फोन गर्दा समेत उनको फोन उठन सकेन ।

यस्ता प्रहरी हवलदारलाई समयमै सशस्त्र प्रहरीको माथिल्लो निकायबाट छानबिन गरी कारवाही नगरे संगठनकै नाम डुबाउने भन्ने पक्का नै रहेको प्रहरी स्रोतको भनाई रहेको छ ।