इयूमा अमेरिकासँगको व्यापार सम्झौता कार्यान्वयनसम्बन्धी विधेयक पारित

काठमाडौँ । यूरोपेली सङ्घ (इयू)का सदस्य देशका सरकारहरूले अमेरिकासँग गरिएको व्यापार सम्झौता कार्यान्वयन गर्न आवश्यक कानुनलाई अगाडि बढाउने निर्णय गरेका छन् ।

यस कदमले अमेरिकी राष्ट्रपति डोनाल्ड ट्रम्पले इयूबाट अमेरिका आउने कार र अन्य सामानमा उच्च ट्यारिफ लगाउँछु भनेर दिएको धम्की रोक्न मद्दत गर्ने अपेक्षा गरिएको छ ।

तर युरोपेली संसद्ले अझै यस विधेयकलाई अन्तिम रूपमा अनुमोदन गर्न बाँकी छ । ट्रेड कमिटीले आगामी हप्ता प्रारम्भिक मतदान गर्ने र पूर्ण संसद्ले जुन मध्यतिर निर्णय गर्ने अपेक्षा गरिएको छ । सम्झौतामा केही सुरक्षाका उपाय पनि समावेश गरिएको छ । अमेरिकाले सहमत १५ प्रतिशत ट्यारिफ कार्यान्वयन नगरे वा पुनः बढाएमा युरोपेली आयोगले सम्झौताको केही भाग निलम्बन गर्न सक्ने व्यवस्था छ ।

यसमा अमेरिका वाशिङ मेसिन, वायु टर्बाइन र स्टिल–एलुमिनियम लगायत देशभित्र धेरै प्रयोग हुने उत्पादनहरूमा हाल लाग्दै आएको २५ प्रतिशत ट्यारिफ घटाउने प्रतिबद्धता पनि समावेश छ । साथै सम्झौताको म्याद सन २०२९ को अन्त्यमा सकिने प्रावधान पनि राखिएको छ, जसले भविष्यमा नीति पुनरावलोकनको बाटो खुला राखेको छ।