अमेरिकाले खाडी क्षेत्रमा ‘सेभ हेभन’पाउँदैनः इरानी सर्वोच्च नेता

तेहरान । इरानका सर्वाेच्च नेता मोज्तबा खामेनीले अमेरिका अब खाडी क्षेत्रमा सुरक्षित रूपमा उपस्थित हुन नसक्ने दाबी गरेका छन् । उनले खाडीका देशहरूले अब अमेरिकी सैन्य अड्डाहरूका लागि ढालको काम नगर्ने दाबी पनि गरेका छन् । 

उनले इजरायल र त्यसका नेताहरू अन्तिम चरणतर्फ पुगेको कडा टिप्पणी पनि गरेका छन् । पूर्व सर्वोच्च नेता आयतुल्ला अली खामेनीको निधन भएर उनका जेठा छोरा मोज्तबा खामेनी सर्वोच्च नेता भएको १० हप्ताभन्दा बढी समय भइसकेको छ  । 

तर अहिलेसम्म इरानी जनताले आफ्नो नयाँ सर्वोच्च नेतालाई देखेको वा उनले बोलेको सुनेका छैनन् । पछिल्ला महिनाहरूमा उनले लगातार लिखित सन्देश जारी गर्दै आएका छन् । अमेरिका र इरानले सम्भावित सम्झौताका लागि प्रयास गरिरहेको समयमा खामेनीको यो सन्देश आएको हो ।