वार्षिक १७ अर्ब डलर बराबर अमेरिकी कृषि उत्पादन किन्दै चीन

बेइजिङ । चीनले सन २०२६, २०२७ र २०२८ मा हरेक वर्ष कम्तीमा १७ अर्ब अमेरिकी डलर बराबरका अमेरिकी कृषि उत्पादन खरिद गर्ने प्रतिबद्धता जनाएको छ । ह्वाइट हाउसले आइतबार सार्वजनिक गरेको एक विवरणमा यस्तो जानकारी दिइएको हो । यो प्रतिबद्धता अमेरिकी राष्ट्रपति डोनाल्ड ट्रम्पको र चिनियाँ राष्ट्रपति सी जिनपिङबीच गत साता भएको भेटवार्ताका क्रममा गरिएको ह्वाइट हाउसले जनाएको छ ।

ह्वाइट हाउसका अनुसार उक्त १७ अर्ब डलरको प्रतिबद्धतामा चीनले अक्टोबर २०२५ मा गरेको सोयाबिन खरिद सम्झौता समावेश गरिएको छैन । गत वर्ष दुवै देशबीच प्रतिशोधात्मक ट्यारिफका कारण अमेरिकी कृषि उत्पादनको चीनतर्फको निर्यातमा ठूलो कमी आएको थियो । अमेकिी कृषि मन्त्रालयका तथ्यांकअनुसार सन २०२५ मा चीनतर्फको अमेरिकी कृषि निर्यात ६५ दशमलव ७ प्रतिशतले घटेर ८ अर्ब ४० करोड डलरमा सीमित भएको थियो ।