अमेरिकी नाकाबन्दीले इरानलाई झन्डै ५ अर्ब घाटा

तेहरान ।  अमेरिकाले गल्फ अफ ओमानमा अप्रिल १३ मा लगाएको नाकाबन्दीका कारण इरानलाई झन्डै ५ अर्ब डलर घाटा भएको अनुमान गरिएको छ ।  एक्सियोसले अमेरिकी रक्षा मन्त्रालयका अधिकारीहरुलाई उद्धृत गर्दै यस्तो समाचार छापेको हो । नाकाबन्दी शुरु भएयता अमेरिकाले इरानी तेल र अन्य सामान बोकेका ४० भन्दा बढी जहाजहरू ९ को मार्ग परिवर्तन गराएको छ ।

स्थलमा रहेका भण्डारण सुविधा भरिँदै गएपछि इरानले पुराना ट्यांकरहरूलाई “फ्लोटिङ स्टोरेज”का रूपमा प्रयोग गर्न थालेको छ । साथै, केही जहाजहरूले अमेरिकी अवरोधबाट बच्न चीनतर्फ लामो र महँगो मार्ग प्रयोग गरिरहेका छन् ।

 विश्लेषकहरूका अनुसार इरानसँग विकल्पहरू सीमित हुँदै गएका छन् । इरानको भण्डारण क्षमता केही हप्ता वा बढीमा एक महिनाभित्र समाप्त हुन सक्ने चेतावनी यूरोशिया गु्रपका ग्रेगरी ब्रिउले एक्सियोसलाई बताए ।