गाईको मासुसहित बाबु छोरा पक्राउ

चितवन, पुस २५ । प्रहरीले चितवनबाट गाईको मासुसहित दुईजना पक्राउ गरेको छ ।

भरतपुर महानगरपालिका – १ गोब्रेनीबाट रामगोपाल तामाङ र उनका छोरा मसिने तामाङलाई प्रहरीले पक्राउ गरेको हो ।

घरमै गाईको बाच्छी काटेको भन्ने सूचनाका आधारमा खटिएको प्रहरी टोलीले उनीहरूलाई मासुसहित पक्राउ गरेको चितवन प्रहरीले जनाएको छ ।

उनीहरुको साथबाट करिब २० किलो मासु बरामद भएको प्रहरीको भनाइ छ ।