लागुऔषध गाँजासहित एक दम्पती पक्राउ

जनकपुरधाम, माघ ९ । सर्लाहीबाट लागुऔषध गाँजासहित एक दम्पती पक्राउ परेका छन् ।

हरिवन नगरपालिका – ८ पुरानो बजारस्थित भित्री सडकखण्डबाट बा६८प ४९७२ नम्बरको मोटरसाइकल चेकजाँच गर्ने क्रममा उनीहरूको साथबाट लागुऔषध बरामद गरिएको सर्लाही प्रहरीका प्रवक्ता एवम् डीएसपी माधवप्रसाद बुढाथोकीले बताए ।

बुढाथोकीका अनुसार बागमती नगरपालिका-१२ बस्ने ३८ वर्षीय रुद्रबहादुर अधिकारी र पछाडि सवार उनका ३० वर्षीय पत्नी ऋचा अधिकारीको साथबाट पाँच किलो गाँजा बरामद भएको छ ।

दुवैलाई नियन्त्रणमा लिई थप अनुसन्धान भइरहेको प्रहरीले जनाएको छ ।