माओवादी बैठकमा नेतृत्व चयन विधिबारे पनि छलफल हुने

काठमाडौं, पुस १६ । माओवादी केन्द्रको आठौं महाधिवेशन कमलादीस्थित प्रज्ञा भवनमा जारी छ। महाधिवेशनको छैटौं दिन आज महाधिवेशनस्थलमै पार्टीको स्थायी कमिटी बैठक पनि जारी छ।

अध्यक्ष पुष्कमल दाहाल ‘प्रचण्ड’ले पेस गरेको राजनीतिक प्रतिवेदन र नेता देव गुरुङले प्रस्तुत गरेका विधान संशोधन प्रस्तावमाथि विभिन्न समूहले दिएका सुझाव र उठाएका प्रश्नहहरूको जवाफसहित पार्टीको निष्कर्ष सुनाउनेबारे छलफल गर्न स्थायी समिति बैठक बसेको हो।

बैठकमा नेतृत्व चयन विधिबारे पनि छलफल हुने बताइएको छ। स्थायी कमिटी बैठकपछि प्रचण्डले बन्दसत्रमा राजनीतिक प्रतिवेदन र विधान संशोधन प्रस्तावबारे जवाफ दिएर तिनको अन्तिम रुपबारे निष्कर्षत्मक भनाइ राख्नेछन्।