तानसेनको मिलेनियम सेकेण्डरी स्कुलको चमेना गृहमा आगलागीमा घाइते बालिकाको मृत्यु

 पाल्पा । पाल्पाको तानसेन नगरपालिका–४ स्थित मिलेनियम सेकेण्डरी स्कुलको चमेना गृहमा ग्यासको पाइप फुस्किएर भएको आगलागीमा गम्भीर घाइते भएकी ८ वर्षीया साजुदा बानुको उपचारका क्रममा मृत्यु भएको छ । काठमाडौंस्थित कीर्तिपुर बर्न अस्पतालमा बुधबार उनको निधन भएको हो ।

एलकेजीमा अध्ययनरत बानु गत साउन ७ गते खाजा खाने क्रममा भएको आगलागीमा करिब ३५ प्रतिशत शरीर जलेर गम्भीर घाइते भएकी थिइन् । तानसेनस्थित युनाइटेड मिसन अस्पतालमा प्राथमिक उपचारपछि उनलाई हेलिकोप्टरमार्फत काठमाडौं लगिएको थियो । मंगलबारदेखि भेन्टिलेटरमा राखेर उपचार गरिए पनि उनको ज्यान बचाउन नसकिएको पारिवारिक स्रोतले जनाएको छ ।

आगलागीमा घाइते भएका अन्य दुई विद्यार्थीको अवस्था भने सामान्य छ ।