इरानले भन्यो – अमेरिकासँगको युद्धविराम प्रस्ताव अझै अध्ययनमै छ

तेहरान । इरानले अमेरिकासँग सम्भावित अस्थायी युद्धविरामसम्बन्धी अन्तिम मस्यौदा प्रस्ताव अझै छलफलमै रहेको र अहिलेसम्म मध्यस्थकर्तालाई कुनै औपचारिक प्रतिक्रिया नपठाइएको जनाएको छ ।

इरानी अर्धसरकारी मेह्र न्यूज एजेन्सीले एक अज्ञात जानकार स्रोतलाई उद्धृत गर्दै यो जानकारी दिएको हो । स्रोतका अनुसार, ‘तेहरानमा अन्तिम मस्यौदा अझै छलफलमा छ र आधिकारिक प्रतिक्रिया दिइएको छैन,’ । इरानले कुनै पनि सम्झौताबाट वास्तविक र ठोस लाभ सुनिश्चित गर्न चाहेको स्रोतले भनेका छन् ।

एउटा क्षेत्रीय स्रोतले वार्ता पुनः सही बाटोमा फर्किएको संकेत गरेको भन्दै सीएनएनले समाचार छापेको थियो ।