तनहुँमा राष्ट्रिय कौराहा सम्मेलन सुरु

तनहुँ । मगर समुदायको मौलिक नृत्य ‘कौराहा’ संरक्षण र प्रवद्र्धन गर्ने उद्देश्यले आजदेखि दोस्रो राष्ट्रिय मौलिक कौराहा सम्मेलन ऋषिङमा सुरु भएको छ ।

नेपाल मगर सांस्कृतिक सङ्घ केन्द्रीय समितिको आयोजना तथा राष्ट्रिय मौलिक कौराहा संरक्षण समिति र नेपाल मगर सङ्घ जिल्ला समन्वय समिति तनहुँको सहआयोजनामा ऋषिङ गाउँपालिका–१ झापुटारमा आयोजित सम्मेलन भोलि समापन हुनेछ ।

कौराहा विशेषगरी ‘६ क’ सँग सम्बन्धित छ । कहिले गाउने, कसरी गाउने, कति गाउने, कहाँ गाउने, कसरी नाच्ने तथा नचाउने र वाद्यवादन यन्त्र कसरी बजाउने भन्ने आधारभूत पक्षबारे सम्मेलनमा सिकाइने छ ।