अमेरिकासँगको सन्देश आदान प्रदानबारे वार्ता गर्दै इरान–पाकिस्तान

तेहरान । इरान र पाकिस्तानबिच बिहीबार तेहरानमा उच्चस्तरीय वार्ता हुने भएको छ । यस वार्तामा अमेरिकासँग आदान प्रदान भएका सन्देशहरूबारे छलफल गरिने बताइएको छ । पाकिस्तानका सेना प्रमुख असिम मुनिर बुधवार तेहरान पुगेका छन् । 

उनले इरानी विदेशमन्त्री अब्बास अराघचीसँग भेटवार्ता गरिसकेका छन् । पाकिस्तानी सेनाका अनुसार मुनिरको नेतृत्वको प्रतिनिधिमण्डलले वाशिङ्टनबाट सन्देश पनि बोकेको छ, जसले इरान र अमेरिकाबिच अप्रत्यक्ष संवादलाई निरन्तरता दिएको सङ्केत गरेको बताइएको छ ।

पाकिस्तानमार्फत इरान र अमेरिकाबिच सन्देश आदान–प्रदान भइरहेको छ । इस्लामावादमा हालै भएको दुई पक्षीय वार्ता असफल भएपछि दोस्रो चरणको सम्भावित वार्ताका लागि कूटनीतिक प्रयास तीव्र बनाइएको छ ।