बागमती राईजिङ भरतपुर गोल्डकपको फाइनलमा
चितवन । बागमती युथ क्लब सर्लाही मिन्नानो राईजिङ भरतपुर गोल्डकपको फाइनलमा प्रवेश गरेको छ ।
प्रतियोगिता अन्तर्गत आज (बिहीबार) सम्पन्न दोस्रो सेमिफाइनलमा सरस्वति क्लब काठमाडौंलाई ४-० ले हराउँदै बागमतीले फाइनलमा स्थान सुरक्षित गरेको हो ।
बागमतीलाई जिताउन राज भुसालले दुई तथा सनम धिताल र सुजन गुरुङले समान एक-एक गोल गरे । दुई गोल गरेका राज प्लेयर अफ दि म्याच भए ।
बागमतिले अब उपाधिका लागि प्याराडाईज युथ क्लब रत्ननगरको सामना गर्नेछ । प्याराडाईज यस अघि सम्पन्न पहिलो सेमिफाइनलमा आबुँखैरेनीलाई हराउँदै फाइनलमा प्रवेश गरिसकेको छ । फाइनल खेल माघ १९ गते शनिबार दिउँसो २:३० बजे हुनेछ ।
चितवन ११ फुटबल क्लबको आयोजनामा जारी प्रतियोगिताको विजेताले ट्रफीसहित सात लाख रुपैयाँ प्राप्त गर्नेछ । यस्तै उपविजेताले तीन लाख प्राप्त गर्ने क्लबका अध्यक्ष सुशील कार्कीले जानकारी दिए ।
