काठमाडौमा हतियार बेच्न हिडेका एक जना पक्राउ

काठमाडौं । प्रहरीले काठमाडौंको कात्यानीबाट पेस्तोलसहित एकजनालाई पक्राउ गरेको छ । पक्राउ पर्नेमा धनुषाको विधानगर घर भई काठमाडौं बसुन्धारा

बस्दै आएका ३१ वर्षीय जयप्रकाश महतो रहेका छन ।

काठमाडौको नयाँ बानेश्वर इलाकामा हतियार बेच्न हिँडेको भन्ने सूचनाका आधारमा प्रहरी टोली खटिएको र महतोलाई पक्राउ गरेको हो ।

महतोले प्लास्टिकको झोलाभित्र रुमालले बेरेर मेड इन युएसए लेखेको म्याग्जिनसहितको पेस्तोल बोकेर हिँडेको जिल्ला प्रहरी परिसर काठमाडौंले जनाएको छ।

उनीविरुद्ध जिल्ला अदालत काठमाडौंबाट सात दिनको म्याद लिएर अनुसन्धान सुरु गरिएको छ ।