ठमेलको होटलमा जुवातास खेलाउने र वन्यजस्तु तस्करी धन्दामा संलग्न ४ जना चिनियाँ नागरिक पक्राउ
काठमाडौं । काठमाडौंमा ठमेलको होटेलमा जुवातास खेलाउने चार जना चिनियाँ नागरिकलाई प्रहरीले पक्राउ गरेको छ।
काठमाडौं महानगरपालिका १७ स्थित ज्याठा गल्लीभित्र होटल नै सञ्चालन गरेर जुवातासको धन्दा चलाउने चिनियाँ नागरिकलाई सोमबार ८ लाख ८९ हजार नेपाली रुपैयाँसहित महानगरीय प्रहरी परिसर काठमाडौंले पक्राउ गरेको हो।
मंगलबार परिसरमा आयोजित पत्रकार सम्मेलनमा एसएसपी अशोक सिंहले ज्याठाबाट सोमबार राती साढे १० बजे ४ जना चाइनिज नागरिकलाई पक्राउ गरिएको जानकारी दिए।
उनका अनुसार पक्राउ परेका चिनियाँले आफ्नै होटल खोलेर इलेक्ट्रिक माध्यमको जुवा खेलाउँदै आएका थिए। माजुङ भन्ने प्लास्टिकको गोटी र विद्युतीय टेबल फेला पनि परेको छ,’। प्रहरीले उनीहरुबाट दुर्लभ बाघको छाला १ थान, कस्तुरीको विना २० थान, बुद्धचित्त ९ सय थान र रुद्राक्ष २ सय केजी बरामद गरेको छ।
उनीहरुले कहिले होटल सञ्चालन गरेको र कहिलेदेखि जुवा खेलाउन थालेको भन्नेबारे अझै खुलेको छैन । थप अनुसन्धान भइरहेको एसएसपी सिंहले जानकारी दिए।
