बजार अनुगमन संगै म्याद सकिएको सामान जलाएर नष्ट

बाजुरा, भदौ ३०। बाजुराको उत्तरी भेगमा रहेको हिमाली गाउँपालिकाले धुलाचौर बजार अनुगमन संगै सकिएको सामान जलाएर नष्ट गरेको छ । गाउँपालिकाले चाडपर्व नजिकिएसँगै धुलाचौर लगायतका बजार अनुगमन गरेको हो। अनुगमनका क्रममा म्याद सकिएका दैनिक उपभोगका सामान तथा औषधिजन्य सामानहरु बरामद गरि नस्ट गरिएको गाउँपालिका प्रमुख प्रशासकिय अधिकृत राजबहादुर भण्डारीले बताएका छन् । चार्डपर्व लक्षित बजारमा हुन सक्ने कालोबजारी र म्याद नाघेका सामानहरु बिक्री हुन सक्ने भन्दै अनुगमन कार्यलाई तीव्र पारिएको गाउँपालिकाले जनाएको छ ।