चोरीको आरोपमा २ जनालाई पक्राउ

काठमाडौँ । प्रहरीले भक्तपुरमा चोरी गरेको आरोपमा २ जनालाई पक्राउ गरेको छ । काठमाडौँ उपत्यका अपराध अनुसन्धान कार्यालयको टोलीले काठमाडौँको गोकर्णेश्वर नगरपालिका ५का राजु तामाङ र भोजपुर घर भई हाल गोकर्णेश्वर ७ बस्ने शारदा तिरुवालाई पक्राउ गरेको हो । 

तामाङ र तिरुवाले भक्तपुरको ठिमी नगरपालिका २ मुनालमार्गस्थित द्धारिकानाथ धितालको घरमा डेरा गरी बस्ने जगदीश नेपालको कोठाबाट विभिन्न गरगहना र नगद गरी रु ७ लाख, १३ हजार ३८० रुपैया बराबरको धनमाल चोरी गरेको प्रहरीले जनाएको छ ।  

असार २५ गते पक्राउ परेका उनीहरुलाई प्रहरीले शुक्रबार सार्वजनिक गरी थप अनुसन्धान तथा कार्बाहीका लागि प्रहरी वृत्त ठिमी पठाइएको अनसन्धान कार्यालयले जनाउको छ ।