बिजयनगरबाट अवैध सिद्रा माछा बरामद

कपिलवस्तु । कपिलवस्तुको बिजयनगर गाउँपालिका- ५ नौरङ्गियामा भारतबाट अबैधरुपमा ल्याउदै गरेको सिद्रा माछा बरामद गरिएको छ ।

बिहिवार साझ ५:२० बजे ८६ केजी अबैध सिद्रासहित युपि ५५ एफ ६८१९ नम्बरको हिरो होण्डा मोटरसाईकल पनि बरामद गरिएको छ । बरामद सिद्रा र मोटरसाइकलको आन्दाजी मूल्य ९५००२/- बराबरको रहेको छ ।

उक्त सामान बिओपी बिजयनगरबाट खटिएको सशस्त्र प्रहरीको चेकिङ टोलीले बरामद गरिएको हो । बरामद सामान आबश्यक कारबाहीका आगि कृष्णनगर भन्सार कार्यालयमा बुझाएको जानकारी दिए ।