रौतहटमा ३० लाख ७६ हजार रुपैयाँसहित दुई जना हुण्डी कारोबार गर्ने भारतीय नागरिक पक्राउ

रौतहट । रौतहट जिल्लाको परोहा न.पा.९ रामपुरखाप स्थितमा नेपाल-भारत सीमाबाट प्रहरीले दुईजना हुण्डी कारोबार गर्ने भारतीय नागरिकलाई पक्राउ गरेको छ ।

रौतहट रामपुर चौकीका असई धुलसीन जिम्बाको कमाण्डमा सीमावर्ती नाकामा चेकजाँच गर्ने क्रममा भारतबाट नेपालतर्फ BR05R 4521 नम्बर प्लेटको ग्ल्याम्बर मोटरसाइकलमा आउँदै गरेका भारत बिहारको मोतिहारी जिल्ला घोडासहन निवासी अन्दाजी २२ वर्षका बन्टुकुमार कलवार र सोही मोटरसाइकलको पछाडि बसेका २० वर्षीय सुरज कलवारलाई रोकी चेकजाँच गर्दा निजहरूले बोकेको नाइलुनको झोलामा अवैध रकम बरामद भयो ।

उनीहरूको साथमा रहेको ३० लाख ७६ हजार रुपैयाँको स्रोत खुल्न सकेको छैन । उनीहरूलाई नियन्त्रणमा लिई थप अनुसन्धानका लागि जिल्ला प्रहरी कार्यालय रौतहट पठाइएको प्रहरीले जनाएको छ ।