पाल्पाको निस्दीमा आगलागी हुँदा नौ महिने बालिकाको मृत्यु
जगत ठाडा मगर
२०८० पुस ७ | मध्यान्ह ०३:०९ बजे
पाल्पा, पुस ७ । पाल्पामा आगलागी हुँदा एक बालिकाको मृत्यु भएको छ।
जिल्लाको निस्दी गाउँपालिका–३ झेरुबासस्थित एक घरमा आगलागी हुँदा जलेर स्थानीय टोलबहादुर पल्लीको नौ महिने छोरी दिप्सना पल्लीको मृत्यु भएको हो ।
शनिबार मध्यान्ह १२ बजेतिर खरले छाएको घरमा आगलागी भएको स्थानीयले बताएका छन् । स्थानीय श्यामबहादुर पल्लीको घर जलेर नष्ट भएको छ । मृतक बालिकासहित घरमा दुई छोरा रहेको बताइएको छ ।
घटनाबारे थप विवरण आउन बाँकी रहेको प्रहरीले जनाएको छ ।
