सिरहामा टिकटक बन्द गराउने सरकारको निर्णय स्वागत, युवाहरुद्वारा मैनबत्ती प्रज्वलन

सिरहा । सामाजिक संजाल टिकटक बन्द गर्ने सरकारको निर्णय सिरहा, मिर्चैयाका यूवाहरुले मैनबत्ती प्रज्वलन गरी स्वागत गरेका छन् । यूवा अभियन्ता पंकज शर्माको नेतृत्वमा यूवाहरुले मिर्चैया बजारमा मैनबत्ती प्रज्वलन गरी टिकटक बन्द गर्ने सरकारको निर्णयको स्वागत गरेका छन् । उनीहरुले सरकारलाई निर्णयबाट पछाडी नहट्न आग्रह गरेका छन् ।

शर्मा विगत लामो समयदेखि टिकटक बन्द गर्नुपर्ने अभियान चलाएका थिए । टिकटकबाट सामाजिक सद्भाव भड्काउने र समाजमा अंश्लिलता फैलाउने गरिएकाले बन्द हुनुपर्ने उनको भनाई छ । उनले भने, ’टिकटक बन्द हुनुपर्छ भने पटक पटक आन्दोलन गरे । आज सरकार बल्ल यथार्थ बुझेर टिकटक बन्द गर्ने निर्णय गर्यो । मलाई अत्यन्त खुशी महसुस भइरहेको छ ‌‌।’