७ सांसदहरुको हस्ताक्षर किर्ते गरेको दाबी

काठमाडौं । संविधानको धारा ७६ (५) अनुसारको सरकार गठनको लागि गठबन्धनवालाले नेकपा एमाले पक्षका सात सांसदहरुको हस्ताक्षर किर्ते गरेको दाबी गरेका छन् ।

एमालेका सांसदहरु सरेन्द्र पाण्डे, योगश भट्टराई,जयकुमार राई लायगतले आफूहरुले देउवालाई प्रधानमन्त्री बनाउन हस्ताक्षर नगरेको र हाम्रो हस्ताक्षरको दुरुपयोग गरेको प्रती आपत्ती जनाउनु भएको छ ।

प्रतिनिधि सभामा जम्मा सांसदको संख्या २७१ भएपनि आज राष्ट्रपती समक्ष बुझाएको सरकारको लागि मत संख्यामा गठबन्धनवालाको तर्फबाट १४९ र नेकपा एमालेको तर्फबाट १५३ संख्या बुझाएकोले चौतर्फी दलहरुको अंकगणितको आलोचना भईरहेको छ ।

सांसदको हस्ताक्षरको अंकगणितमा ३०२ जना पुगेकोले राष्ट्रपती कार्यालयले सो को अध्ययन गर्ने भएकोले आजै नयाँ सरकार बन्ने सम्भाबना न्युन भएको जानकारी दिएको छ ।

यी हुन् हस्ताक्षर नगरेको दाबी गर्ने एमाले सांसदहरु :

१.सुरेन्द्र पाण्डे
२ गोकर्ण विष्ट
३. घनश्याम भुसाल
४. नारायण खतिवडा
५. गणेश पहाडी
६. योगेश भट्टराई
७. जयकुमार राई