होलीको उपलक्षयमा गाउँका १५० युवा लाई नेता साहले दिए, सेतो टिसर्ट उपहार

महेश सिंह
सिरहा । सिरहाको कल्याणपुर नगरपालिका वडा नम्बर – ६ भोक्राहाको डिहबार टोलमा होलि मिलन कार्यक्रमको आयोजना गरिएको छ । जनता समाजबादी पार्टी नेपाल वडा नम्बर – ६ को वडा समितिको आयोजनामा उक्त कार्यक्रम गरिएको थियो । स्थानीय समाजसेबी तथा युवा प्रभाव शाली नेता कुशेश्वर साहले ब्यक्तिगत लगानीमा उक्त कार्यक्रमको आयोजना गरेको थियोे ।

साहको नेतृत्व र अध्यक्षतामा कार्यक्रम सुरु भएको थियोे । नेता साहका अनुसार आपसी मेलमिलाप र सद्भावनाको सन्देश लिई आएको होली पर्वले सबैको घरपरिवारमा सु:ख, शान्ति र समृद्धिको वातावरण सिर्जना गर्दै पारस्परिक एकता र सामाजिक सद्भाव अभिबृद्धि गर्न सबैलाई प्रेरित गर्ने उदेश्यले उक्त होलि मिलन कार्यक्रमको आयोजना गरिएको कल्याणपुर नगरपालिका वडा नम्बर- ६ का जसपा वडा कमिटी अध्यक्ष एवं समाजसेवी कुशेश्वर साहले जानकारी दिनुभएको छ ।

मिलन कार्यक्रमले आपसी सद्भाव, मेलमिलाप कायम गर्न होलि मिलन कार्यक्रमले समाजमा राजनीतिक, समाजिक, धार्मिक द्वन्द बिर्सेर आपसी सद्बभव कायम गर्न मद्दत पुग्ने विश्वास व्यक्त गरे । साहको व्यक्तिगत खर्चमा होलि मिलन कार्यक्रमको आयोजना गरिएको थियो भने सो कार्यक्रममा १ सय ५० वटा होलि अङ्कित सेतो टिसर्ट समेत युवाहरुलाई नि:शुल्क वितरण गरिएको थियो । बढदो आधुनिकिकरणका कारण समाजमा लोप हुदै गरेको होलिमा गाउने गित जोगिरालाई समेत प्राथमिकतामा राखेर होलि मिलन कार्यक्रम आयोजना गरिएको आयोजकले जानकारी दिनुभयो ।

होलि मिलन कार्यक्रममा स्थानीय बुद्धिजीवी , समाजसेबी , विभिन्न राजनीतिक दलका प्रतिनिधि लगायत वडा नम्बर – ५ का वडा अध्यक्ष दिपेन्द्र बरबरिया यादव , नेकाका वडा सभापति ब्रहमदेव सिंह ,वडा नम्बर -७ का तत्कालीन संघीय समाजबादी पार्टीका प्रत्यासी वडा अध्यक्ष दिपेन्द्र यादव , वडा नम्बर- १० का सुरेश साह लगायत हजारौं जनाले फागु पर्वकाे शुभकामना आदान प्रदान गरेका थिए । कार्यक्रममा रेडियो नेपालका सिरहा सम्बादाता संजय बिश्वकर्मा,नेपाल पोष्ट दैनिकका महेश सिंह रेडियो गंगा जलका सरोज पासमान लगायत हजारौं ब्यक्तिहरुको सहभागिता रहेको थियो ।